انا المبرمج المطحون على جانب التاريخ !

بواسطة أحمد علاء 2/27/2015 10:17:00 AM

 

كم مرة اتسالت انت شغال اية يابنى ؟ ولما جيت تشرحلهم . قالك طب تعالى سطبلى ويندوز ! . افتخر يا عزيزى فأنت صاحب فضل على سائليك ومن الآن فصاعدا قل لهم :

 

انا الى بيضيع حياتة وراحتة علشان حياتك تبقى اكتر متعة وراحة .

 

انا الى خليتك تلعب العاب ونميت زكائك

 

انا الى خليتك تقرا كتب الكترونية بدل كتب ورقية

 

انا الى خليتك تشترى من السوق وانت قاعد فى بيتك وادام جهاز حضرتك

 

انا الى خليتك اجتماعى فى اوضتك قاعد على جهازك فاتح فيسك بدل مكنت فيها وحيد بتكلم نفسك

 

انا الى خليتك مثقف وانت متعرفش اى حاجة عن اى حاجة . مجرد متتسال . تفتح جوجلك تكتب سؤالك تشقط اجابتك ترزعها كوبى وباست للزبون !

 

انا الى خليتك تنسى الكتابة والحبر يبطل يبوظ هدومك

 

انا الى خليت البسمة على وشك فى اى وقت

 

انا الى خليتك تحب وتتحب فى مجتمع تانى بدل المجتمع الى كارهك

 

انا الى خليتك بتفهم سياسة

 

انا الى فقهتك فى الدين

 

انا الى عملتلك ثورة وانت فشلتها !

 

انا الى خليتك تخلص شغلك فى ساعة بشوية برامج بدل ايام . وتقضى بقيت يومك تلعب العاب وتعمل شات ( الى انا عاملهملك )

 

انا الى خليتك تشيل دولاب العهدة الورق بتاعك وتحط مكانة نيش

 

انا الى طلعلتلك كرش من كتر الراحة الى بقيت فيها

 

انا الى كارهة الناس بسبب عزلتة وعصبيتة من الضغط الذهنى الى فى شغلة عشان حضرتك تبقى مرتاح اكتر واكتر

 

انا من يصنع الحاضر ويبنى المستقبل ويتجاهلة التاريخ يا سادة

 

انا من بعملة يؤكد انك ناكر للجميل وانك مستهلك فقط ولم ولن تسال يوما عن الصانع . لانك لو سالت وعلمت ما سالتنى عن نفسى !

 

انا المبرمج المطحون على جانب التاريخ !

 

تابع الكاتب عبر : تويتر , فيسبوك